0005 匯豐控股 2019第一季度業績報告

昨日匯豐公佈2019首季業績，數據超出市場預期，反應正面。

相信最大既好消息係匯控長期以黎的兩個目標：收入增長快過支出增長，以及股本回報率的提升，兩項數字都終於交出功課，係低息環境下都終算有交代，但收入我覺得並沒有太大改善，而如果資本市場出現震蕩，匯控的收入可能又再出現影響，我自已對匯控經營表現能否持續向好審慎樂觀，呢次好成績最主要係成功節省成本所導致，匯控需要係低息環境下有更長遠的增長動力，股價先可以再創新天。

盈利貢獻最主要來自香港地區，如果香港形勢有變，匯控首當其衝，不得不防，不過我相信1年內唔會有大問題。

匯控提到2019年中報後會再確定是否回購及回購額度，我估佢咁講應該都係會回購，至於數額就唔估計，因為意義不大。

貿易戰即將達成協議，而美國正保持不錯的增長，環球增長情況或已見底，係比較平靜的環境下，如果匯控黎緊4季度業績都令人滿意，會唔會導致市場對匯控股值重估，特別係終期業積時會否略加派息？始終自海嘯後，印像中匯控的業積都係一時OK一時差，如果連續4季都睇到個勢係有改善，加上增派息給予市場更肯定的信心的話，匯控會否如上月的電影小飛象般可以重新起飛？我到80蚊左右水平會沽1/5，最終希望只保持目前持倉的6成作長線。